ТАНИЛЦУУЛГА

        Мэдээллийн технологи буюу IT. Энэ бол орчин цагт залуусын зайлшгүй эзэмшсэн байх ёстой хамгийн чухал мэдлэгүүдийн нэг юм. Улам бүр даяаршин хавтгайрч буй өнөөгийн ертөнцөд мэдлэгээс илүү хүч үгүй. Харин үүнийг түгээгч эх булаг ундарга нь сургууль юм.
Харамсалтай нь IT-гийн мэдлэгийг цогц, чанартайгаар өгөх гүнзгийрүүлсэн сургалттай сургууль Монголд одоогоор байхгүй
         Технологийн мэдлэгийг багаасаа эзэмшинэ гэдэг нь утсан дээр тоглоом тоглох, нэвтрэх нууц үгийг хийж чадах, зурагт удирдаж кино сонгохын аль нь ч биш.
Энэ бол технологийн талаар ул суурьтай, эмх цэгцтэй, бодит зөв мэдлэгээр тархиа цэнэглэж, ач холбогдол, арга хэрэглүүрийг нь ойлгож, амьдралдаа хэрэгжүүлэн хүсэл мөрөөдөлтэйгөө уялдуулан холбох явдал юм.
       Технологийн хөгжлийн энэ эрин үед та хүүхдээ Мэдээллийн технологийн болон Гадаад хэлний гүнзгий өндөр түвшний мэдлэгтэй нэгэн болгож, хөгжүүлэхийг хүсч байвал “АМЖИЛТ КИБЕР СУРГУУЛЬ”-г сонгоорой. Энэ бол Монголын анхны Мэдээллийн Технологийн гүнзгийрүүлсэн сургалттай сургууль.

АМЖИЛТ КИБЕР СУРГУУЛЬ”-Н ХӨРӨНГӨ ОРУУЛАГЧИД

МЭДЭЭЛЛИЙН ТЕХНОЛОГИЙН АМЖИЛТ ХХК

АМЖИЛТ ХХК нь 2007 онд Amjilt.com сайтыг ажиллуулан үйл ажиллагаагаа эхэлсэн. Өдийг хүртэлх 13 жилийн хугацаанд зөвхөн Мэдээллийн Технологийн Чиглэлээр дагнан үйл ажиллагаа явуулж ирсэн салбартаа танигдсан, нэр хүндтэй компани юм.

Хийж байсан ажлуудаас нь дурдвал:

Сургалтын цогц систем болох Amjilt 2.0 технологийг Монголд анх удаа нэвтрүүлсэн.
  • Монголын анхны бүрэн хэмжээний 3D хүүхэлдэйн кино МОРА-г бүтээсэн.
  • Монголын анхны 3D бүрэн хэмжээний цуврал кино “Зуузуугийн найзууд”-г бүтээв.
  • Мэдээллийн технологийн Амжилт Академийг үүсгэн байгуулсан.
  • Мэдээллийн технологийн Гүнзгийрүүлсэн Сургалттай Амжилт Кибер сургууль. .
  • Энэтхэгийн Их сургуулийн Монгол дахь төлөөлөгчийн газрыг Монголд оруулж ирсэн.

МОНГОЛЫН АНХНЫ ЭЛЕКТРОНИКИЙН БРЕНД ЭХЛЭЛ ХХК

ЭХЛЭЛ ХХК нь мөн 2007 онд Ehlel.com сайтыг ажиллуулан үүд хаалгаа нээж байв. Үүнээс хойшх 13 жилийн хугацаанд зөвхөн технологийн бизнес эрхэлж олон нийтэд танигдан хүндлэгдсэн, салбартаа тодорхой байр суурьтай компани.
Бид бүхний үйл ажиллагаанаас дурдвал:
  • Одоогоор гар утасны чихэвч, цэнэглэгч, usb кабель, повербанк зэрэг бүтээгдэхүүнүүдийг үйлдвэрлэн дотоод болон гадаадын зах зээлд нийлүүлж байна.
  • Бүтээгдэхүүнүүдээ Энэтхэг, Польш, ОХУ гэсэн орнууд руу экспорт хийдэг.
  • EHLEL барааны тэмдгээ АНУ, Европын холбоо, ОХУ, Казакстан, БНХАУ-д бүртгүүлсэн нь Монголдоо мөн анхдагч болсон.
  • Интернет худалдааны аварга загас Alibaba-тай дотоод борлуулагчийн гэрээг байгуулсан
  • Монголын анхны компани.
  • Мэдээллийн технологийн Эхлэл Академийг үүсгэн байгуулсан.
  • Хятад хэл, маркетинг менежментийн Гуанжоугийн их сургуулийг үүсгэн байгуулсан.
  • Урам зоригийн контент бүтээх Ehlel Motivation, Ehlel Publishing -г эзэмшдэг.
  • АНУ-ын Ehlel INC, Их Британий Ehlel LTD Монгол улсын Эхлэл ХХК-г эзэмшдэг дэлхийд гарах Монгол технологийн топ компани юм.

AMJILT, EHLEL хэмээх содон нэртэй, өсөн дэвжиж буй эдгээр компаниудыг үүсгэн байгуулсан Ж.Шижир Ч.Батзаяа нар нь багын найзууд юм. Харин одоо тэд хамтран Монголын анхны Мэдээллийн Технологийг Гүнзгийрүүлсэн Сургалт бүхий АМЖИЛТ КИБЕР СУРГУУЛЬ-г үүсгэн байгуулаад 2 дахь удаагийн элсэлтээ авахад бэлэн болоод байна.

Цэс

Санал хүсэлт




    Холбоо барих

    • Амжилт кибер сургууль
      /S Outlet дэлгүүрийн зүүн талд,
      Баянмонгол хорооллын хойно/

    • 8073-6060, 8077-6060

    • info@amjilt.school

    © 2021 он. Амжилт кибер сургууль

    Вэб бүтээсэн Том-Амжилт ХХК